Museum

Отансүйгіштік рух — қазақ елінің әлемдік өркениетті елдер көшіне қосылып, дүниежүзілік қауымдастықтан лайықты орын алуға мүмкіндік беретін бірден-бір күш. 1941-1945 жылдардардағы қан майданда мұз жастанып, қар кешкен, нәзіктілігіне қарамай алыптың ісін жасаған, Кеңес Одағының Батыры М.Мәметованың өмір жолы, ерлік өнегесі-мәңгілік таусылмайтын әңгіме, айнымас шындық.

Ел еркіндігін, бостандығын, тәуелсіздігін қанымен қорғаған ерлігі ермен тең, Мәншүк Мәметова сынды тұлғаны студенттерге  үлгі ете отырып, батыр қыздың бойындағы адамгершілік қасиеттерін бойға сіңіру, кейінгі жас өрендерге өнеге ету. Бүгінгі күні Отанын қорғайтын  жастар өздері екенін сезіндіру, Мәншүк бейнесі арқылы елжанды ұрпақ тәрбиелеу мақсатында   2010 жылдың 6 мамырында колледж жанынан Кеңес Одағының Батыры М.Мәметова мұражайы ашылды. Қаламыздағы киелі оқу орындарының бірі Ақтөбе медициналық колледжінің білім ұясында Мәншүк есімін ардақтауды бір сәтте ұмытқан емес,қайта осынау сұрапыл оқиға тарих қойнауында қалып, бізден алыстаған сайын, Отан үшін от кешкен аяулы жандардың ерлік рухы жанымызға жақындай түскендей.

Колледж аясында Ұлы Отан Соғысы жеңісін тойлаудажыл сайын түрлі шаралар өтуде, атап өтсек «Мың тағзым саған, Ұлы Ерлік!», «Рухыңа бас иемін, ару Мәншүк!», «Біз еліміздің ұланымыз» т.б. ашық шаралар ұйымдастырылды.

Қазақстан Республикасының Президенті Н.Ә.Назарбаев «Ардагерлеріміздің ерлігі мен еңбегі, күш-жігері, сан жылдыр бойы жиналған өмірлік тәжірибесі қазіргі ұрпақты ерлік пен патриотизмге, туған елімізді ата дәстүрімізді сыйлауға тәрбиелейді», -деп өз сөзінде атап көрсеткендей,  9 Мамыр – Ұлы Жеңіс күні деп тойласақ та, оның салмағының ауыр болғанын бүгінгі ұрпақ ешқашан да ұмытпауы тиіс. Омырауларында жарқыраған орден-медальдарын тағып анадайдан көзге оттай басылатын ардагер ағаларымыз бұл күнді асыға күтеді. Бұл күн – Жеңіс күні болуымен қатар соғыстан оралмаған үзеңгілес қатарларын еске алып, жанарларынан тамған жас тамшылары өткен күннен белгі беріп тұрғандай.
«Ел басына күн туса, ер етікпен су кешер» дегендей, ел басына қатер төнген жылдары кеудедегі шыбын жаны шыққанша жаумен жаға жыртысқан батыр аталарымыз аз емес. Олар ең алдымен ұлты үшін, халық үшін жанын құрбан еткен жандар. Жыл өткен сайын қатары азайып бара жатқан майдангер аталарымыздың есімдері ұмытылмай,  келер ұрпақтың есінде жатталып қалуы керек.