Ата заңым - айбыным

Колледжде 2020 жылы қыркүйек айының 1 жұлдызында Білім және Конституция күндеріне  арналған «Ата заңым — айбыным» тақырыбында онлайн бағытында мерекелік шара өтті. Медицина мамадығын таңдап, колледж табалдырығын аттаған студенттерді, ата- аналарды және колледж ұжымын колледж директоры М.Кузбаков мерекелерімен құттықтады. «Емдеу ісі», «Мейіргер ісі», «Фармация» «Стоматология», «Зертханалық диагностика» мамандықтары бойынша қабылданған 1 курс студенттеріне заман талабына сай қашықтан сабақ өткізуге жабдықталған кабинеттер, кітапханамен  таныстырылып, М.Мәметова  атындағы мұражайға онлайн саяхат жасалды. Студенттер және ата — аналар колледж  ішкі тәртібі мен оқу барысы қалай жүргізілетіні түсіндірілді. Адам өмірінің арашасы болар маман даярлауда оқу жылы сәттілікке толы болғай!