«Тері венерологиялық ауруларының таралу түрлері, жіктелуі» тақырыбында дерматовенерологпен кездесу іс-шарасы
«Емдеу ісі» бөлімінде 1 курс студенттерін жаңа ортаға бейімдеу мақсатында облыстық тері – венерологиялық диспансерінің дерматовенерологы Булекпаева Ақжарқын Абаевамен кездесу іс шарасы өткізілді. Булекпаева Ақжарқын Абаевна классикалық тері-венерологиялық аурулары, жаңа венерологиялық немесе жыныстық мүшелерді зақымдаумен жүретін аурулар, жыныстық жолмен берілетін тері аурулары, қышыма, педикулез, қасаға биті (фтириаз), контагиозды моллюск,
жыныстық жолмен беріліп, басқа органдарды зақымдайтын аурулардың пайда болу себептеріне, емдеу, алдын-алу шараларына тоқталды. Сонымен қатар әр ауруға клиникасы бейнеленген суреттер көрсетілді. Кездесу барысында студенттер белсене араласып, дәрігерге өздерін мазалайтын сұрақтарын қойып, жауап алды, тері-венерологиялық аурулар жөнінде көп ақпарат алғандарын айтып, ойларымен бөлісті.
