«Фармация» бөлімінің ІІІ курс студенттерінің арасында «Фармацевтика» құзыреттілігі бойынша колледжішілік WorldSkills - 2019 чемпионаты

Колледжімізде жыл сайын бітіруші түлектер арасында өткізілетін «Үздік фармацевт» сайысы осы жылы 11-15 наурыз аралығында колледж ардагері  С.Байнекешова  құрметіне арналып,  «Фармацевтика» құзыреттілігінде  Worldskills чемпионаты форматында өткізілді.

Республика бойынша медициналық колледждер арасында біздің колледж алғашқы болып, өткізіп отыр

Чемпионаттың 1- кезеңінде бітіруші топтардан 51 студент тест тапсырмаларын орындаса, жоғары балл жинаған 6 студент 2- кезеңіне өтті. Бұл кезеңде келесі аймақтардағы тапсырмалар орындалды:

1 аймақ : Дәрілік өсімдік және өсімдік шикізатын анықтау.

2 аймақ: Дәріхана жағдайында  дәрілік заттарды қабылдау және сақтау.

3 аймақ: Дәріхана жағдайында  дәрілік түрді  дайындау.

4 аймақ:  Дәріхана жағдайында  дәрілік заттарды босату.

Бас сарапшы, фармация Комитетінің Ақтөбе облысы бойынша   Департамент басшысыР.А.Кубатаев теориялық білімдері мен тәжірибелік іс-дағдыларды  ұштастырып, өзін белсенді көрсеткен сайыскерлерді марапаттады:

«Үздік фармацевт — 2019» номинациясымен 1-орын иеленген  Деркач Анастасияны;

ІІ –орын иеленген Егизбаева Ақсаулені;

ІІІ –орын иеленген Жетенкеева Шынарайды.

Чемпионат жеңімпазы Деркач Анастасия Тараз қаласында «Фармация» мамандығы бойынша өткізілетін «Үздік фармацевт — 2019 жыл» атты Республикалық медицина колледждерінің түлектері арасындағы сайысқа жолдама алды.