Емдеу ісі

Мамандық бойынша білім беретін оқу бағдарламасын меңгеру нәтижесінде білім алушы:
09120100 «Емдеу ісі» мамандығы, біліктілігі 4S09120101 «Фельдшер», 09130200 «Акушерлік іс»мамандығы, 4S09130201  «Акушер» біліктілігі бойынша біліктілік деңгейіне сәйкес келетін базалық құзыретке ие болуы тиіс:

— кәсіби іс-әрекетке байланысты шет тіліндегі және қазақ (орыс) тілдеріндегі мәтіндерді сөздікпен аудару және оқуға қажетті лексикалық және грамматикалық минимумдарды меңгеру;
— Қазақстан тарихының тарихи құбылыстарын және үрдістерін оқу барысында шынайы –тарихи жағдайларды талдау іскерліктерін меңгеру;

— денсаулықты шынықтыру, өмірлік және кәсіби мақсаттарға жету үшін дене шынықтыру –спорттық іс-әрекеттерді қолдана білу;

— әлемнің және аймақтың негізгі тарихи-мәдени орталықтарын, мәдениет түрлерін және этникалық құндылықтары жайлы түсінігі болу;

— қоғамда адамдар арасындағы қатынасты реттеу адамгершілік ережелерін, диалектикалық дамудың негізгі заңдары мен заңдылықтарын білу, тәжірибеде негізгі түсініктерді және заңдарды қолдана білу;

— саяси жүйе және саяси тәртіп, саясатқа деген адамдардың көзқарасы жайлы түсінігі болу;

— экономика негізі жайлы ережені білу, экономика негіздерін меңгеру, елдегі және шетелдегі экономикалық жағдайларды меңгеру;

— қазіргі компьютерлік технологиялар жайлы және де оларды қазіргі медицинада қолдану жайлы түсінігі болу, кәсіби іс-әрекетте қазіргі ақпараттық технологияларды қолдана білу;

— рецепт жазу, гректік-латындық терминдердің мағынасын түсіндіру, дәрілік заттардың фармакодинамикасының және фармакокинетикасының жалпы заңдылықтарын білу;
— өмірдің пайда болуы және дамуының жалпы заңдылықтарын, тіндердің жасушаларының қызметін және құрылысын, мүшелер мен жүйелердің қалыпты және патологиялық жағдайларын білу;
— тұқым қуалайтын аурулардың түрлерін және айқындау әдістерін меңгеру және клиникалық пәндерді өту кезінде алған білімдерін қолдана білу;

— аурудың пайда болуында, дамуында, соңында және организмнің жауап қайтару жағдайына әсер ететін себептерді және адам денесіндегі барлық мүшелер мен тіндердің құрылымын және орналасуын, олардың негізгі атқаратын қызметтерін білу және алған білімдерін клиникалық тәжірибеде қолдана білу;

— жас кезеңдері бойынша адам физиологиясын білу және оларды арнайы пәндерде қолдана білу;
— патологиялық реакциялардың сипатын анықтау, микропрепараттар бойынша әртүрлі патологиялық процестерді микроскопиялау және салыстыру тәсілдерін игере білу;

— микробтардың, вирустардың табиғатын, олардың инфекциялық үрдістердің дамуындағы маңызын, инфекциялық бақылау және медициналық мекемелердегі медицина қызметкерлерінің инфекциялық қауіпсіздігін білу.

09120100 «Емдеу ісі» мамандығы, біліктілігі 4S09120101 «Фельдшер», 09130200 «Акушерлік іс»мамандығы, 4S09130201  «Акушер» біліктілігі бойынша кәсіптік қызметтің негізгі түрлеріне сәйкес келетін кәсіптік құзыретке ие болуы тиіс:

 — мейірбикелік күтім ұйымдастыру және науқастарды қадағалау, манипуляцияларды және дағдыларды орындау іс-әрекеттерін игеру;

— мүшелер мен жүйелердің қызметінің бұзылуының негізгі симптомдарын және синдромдарын білу;
— науқастарды зертханалық және аспапты тексеру әдістеріне дайындау әдістемелерін игеру;

— ересек және балалы тұрғындар арасында дәрігерге дейінгі және білікті медициналық шұғыл көмек көрсету, медициналық көмек көрсету сапасының халықаралық стандарттар аумағында құзырлы болу;

— санитарлық-гигиеналық, эпидемияға қарсы жұмыстарды ұйымдастыру және жүргізе білу;
— науқастармен, науқастың туыстарымен, әлеуметтік қызмет мүшелерімен және қызметтестермен тиімді қарым-қатынас құрастыру және жүргізе білу;

— клиникалық симтомдарды анықтауды, болжама диагноз қоюды, ауру балаларды күтуді жүргізе білу;
— баланың дұрыс физикалық және психикалық дамуын қамтамасыз етуге бағытталған алдын-алу шараларының дағдыларын игеру;

— әртүрлі зақымдануларда алғашқы медициналық көмек көрсету тәсілдерін игеру, хирургиялық науқастарды күту әдістерін, өкпелі-жүректік жандандыру әдістерін игеру;

— гинекологиялық бөлімшелерде және босану үйлерінде арнайы манипуляцияларды орындау және күтім дағдыларын игеру;

— зақымданған және жарақаттанудың негізгі симптомдарын, диагностика әдістерін, емдеу және шұғыл жәрдем көрсетуді білу және апат аймақтарында жұқпалы аурулардың пайда болу мүмкіндіктерін ескерту және келеңсіз жағдайларда тұрғындардың денсаулығын сүйемелдеу негіздерін білу;

— барлық жас кезеңдерінде аурулар дамуында және критикалық жағдайларда белсенді терапия және жансақтау әдістемелерін игеру және аурухана жағдайында науқастарды реабилитациялау және қалпына келтіру емін жүргізуді білу;

— конфликттерді шешудің дағдыларын, коммуникативті дағдыларды игеру, алған білімдерін күнделікті өмірде және кәсіптік жұмыста қолдану, науқастармен, олардың туысқандарымен, қызметтестермен сұқбаттасу этико-деонтология негізіндегі дағдыларды игеру.     

09120100 «Емдеу ісі» мамандығы, біліктілігі 4S09120101 «Фельдшер», 09130200 «Акушерлік іс» мамандығы, 4S09130201  «Акушер» біліктілігі бойынша кәсіптік қызметтің негізгі түрлеріне сәйкес келетін арнайы құзыретке ие болуы тиіс:

 — күтім бойынша барлық манипуляцияларды өздігінше орындау, медициналық мекемелерде нормативті және медициналық құжаттарды рәсімдеу;

— ішкі мүшелердің ауруларының симптомдарын анықтауды игеру, манипуляциялар іс-әрекетін игеру;

— медицина қызметкерлерін және науқастарды инфекциялық қауіпсіздігін және инфекциялық бақылау талаптарын орындау;

— дәрігер тағайындаған емдік, диагностикалық, алдын-алу шараларын орындай білу;

— күрделі манипуляцияларды жүргізу кезінде аспаптарды дайындау және дәрігерге көмектесуді игеру;
— физиотерапиялық әдістердің негізгі түрлерін орындау, емдік гимнастика бойынша сабақ жүргізу, массаж әдістерін игеру, психотерапия элементтерін қолдана білу;

— инфекция ошағында эпидемияға қарсы шараларды және иммунопрофилактика іс-әрекеттерін игеру;

— кезек күттірмейтін операциялар үшін науқастарды зертханалық, функционалды, аспапты тексеру әдістеріне даярлау іс-әрекеттерін игеру;

— нақты науқастағы дәрілік заттың әсерін бағалау, дәрілермен уланғанда дәрігерге дейінгі көмек көрсете білу;

— контрацепция әдісімен жанұя құруды жоспарлау бойынша кеңес жүргізе білу;

— жандандыру, жансақтау, емдеу-сауықтыру, санитарлық-гигиеналық, санитарлық-ағарту шараларын кәсіптік құзырлығымен орындай білу;

— ауыр және терминальды жағдайдағы науқастардағы негізгі симптомдар мен синдромдарды айқындау және жағдайын бағалау, кезек күттірмейтін жағдайларда дәрігерге дейінгі шұғыл көмек көрсету;
— өмірге қауіп төндіретін және шұғыл жағдайларда медициналық көрсете білу;

— салауатты өмір салтын насихаттау, аурулардың алдын алу шараларын жүргізу;

— емдеу-қорғау, санитарлық-гигиеналық, санитарлық-эпидемиологиялық тізімдерінің талаптарын орындай білу;

— зертханалық тексерулерге материал жинауды жүзеге асыра білу;

— дәрігерге дейінгі арнайыланған медициналық көмек көрстеу;

— гинекологиялық аурулардың емін және клиникалық симптоматикасын және гинекологиялық шұғыл жағдайларда және олардың алдын алуды білу;

— әйел жыныс мүшелерінің қатерлі және қатерлі емес ісіктерінің клиникалық белгілерін, олардың диагностикасын, емдеу принциптерін және алдын алу шараларын білу;

— әйелдерді диспансерлеуді ұйымдастыру және жүргізу, оның тиімділігін және гинекологиялық науқастарды ауруханаға жатқызу көрсеткіштерін білу;

— жанұяны жоспарлаудың, гинекологиядағы емнің және алдын-алудың заманауи әдістерін білу.

09120100 «Емдеу ісі» мамандығы, біліктілігі 4S09120101 «Фельдшер», 09130200 «Акушерлік іс» мамандығы, 4S09130201  «Акушер» біліктілігі бойынша бітірушінің кәсіптік қызметінің объектілері әр түрлі жас аралықтарындағы үлкен адамдар және балалар болып табылады.

«Фельдшер» біліктілігіне арналған оқу бітірушілердің кәсіптік қызметтерінің түрлері:

— ауруханаларда, емханаларда, дәрігерлік амбулаторияларда (ДА), фельдшерлік-акушериялық пункттерде (ФАП), медициналық-санитариялық алғашқы жәрдем (МСАЖ) орталықтарында емдік-диагностикалық шараларға, әртүрлі жас аралықтарында науқастарға алғашқы медициналық және санитариялық көмек көрсетуге қатысу;

— жіті ауруларда және келеңсіз жағдайларда дәрігерге дейінгі алғашқы медициналық көмек көрсету және науқастың жағдайын бағалау;

— медициналық мекемелерде санитарлық-гигиеналық және эпидемияға қарсы режимді сақтау;

— эпидемияның шұғыл жағдайында жаппай зақымдану ошағындағы тұрғындарға медициналық көмек көрсету;

— жаңа ақпараттық технологияларды, әдістемелерді, тәсілдерді, ақпараттарды беру және сақтауды қолдану;
— науқасты реабилитациялауға және әлеуметтік қорғаныс органдарының, қайырымдылық қызметтерімен бірлесіп интернат үйлеріне, жалғызбастылар хоспистеріне, қарттарға, мүгедектерге және созылмалы ауруы бар науқастарға көмек көрсету және орналастыруды ұйымдастыруға қатысу;
— науқастармен және олардың жанұяларымен бірігіп жұмыс жасау, науқастың құқығын сақтау және әртүрлі жас топтарындағы тұрғындардың денсаулығын демеу және нығайту жөнінде шаралар жүргізу;

— науқастардың денсаулығы үшін қатерлі ықпалдар (физикалық, психикалық, әлеуметтік, экологиялық және т.б.) жөніндегі және осы ықпалдарының денсаулыққа әсері жөніндегі сұрақтар бойынша тұрғындарға кеңес беру;

— әр жас кезеңіндегі науқасты және оның жанұясын денсаулық сақтау мәселелері бойынша оқыту, күтім көрсету;

— әр жас кезеңіндегі балалардың нервтік-психикалық дамуы, имуннопрофилактика, диспансерлік бақылау жөніндегі сұрақтар бойынша кеңес беру;

— зерттеудің қазіргі тәсілдерін қолдана отырып, диагностикалау және салыстырмалы диагностика жүргізу, сондай-ақ балаларда жиі кездесетін ауруларды емдеу және алдын-алуды жүзеге асыру;- алғашқы медициналық-санитариялық ұйымдарда нормативтік құжаттарды рәсімдеу;

— қызметтестермен бірігу және бірлесе жұмыс істеу;

— аурулардың алдын-алу және салауатты өмір салтын насихаттау.

 «Акушер» біліктілігіне арналған оқу бітірушілердің кәсіптік қызметтерінің түрлері:
— әртүрлі саладағы акушерлік және гинекологиялық бөлімшелерде, перинатальды орталықтарда және анамен баланың денсаулығын сақтау орталығында, әйелдер кеңесінде, стационарлық және емханалық типтегі медициналық ұжымдардың бөлімдерінде және диагностикалық-көмек көрсету қызметтерінде жүкті, босанатын, босанған, гинекологиялық науқастарға емдік-диагностикалық көмек көрсету;

— асқынбаған босануда өздігінше, ал патологиялық босану кезінде және босанудан кейінгі кезеңде дәрігер акушер-гинекологпен бірігіп медициналық көмек көрсету;

— мамандықтың саласы бойынша жіті аурулар және келеңсіз жағдайларда дәрігерге дейінгі шұғыл медициналық көмек көрсету;

— бөлімшелерде (әйелдер кеңесінде, бөлмеде) санитарлық-гигиеналық және санитарлық –эпидемиологиялық түзімдерді сақтау;

— нормативті медициналық іс-құжаттарды алғашқы медико-санитарлық ұжымдарда ұйымдастыру;

— эпидемия жағдайында, көлемді зақымдану ошақтарында келеңсіз жағдайларда тұрғындарға медициналық көмек көрсету;

— гинекологиялық ауруларды айқындау мақсатында әйелдерді алдын-ала қарау (дәрігермен бірге немесе өз бетінше);

— пациенттің әлеуметтік тұрмыстық жағдайын, жанұя жағдайын ескере отырып, денсаулығына ықпал ететін физикалық, психикалық, әлеуметтік және мәдени қауіп-қатер ықпалдарын анықтау;

— тұрғындар арасында, сондай-ақ жасөспірімдер арасында жоспарланбаған жүктіліктің алдын алу үшін контрацепцияның заманауи әдістерін және жыныстық қатынас арқылы жұғатын аурулардың алдын алу үшін қажетті әдістерді енгізу шараларын жүргізу;

— акушерия-гинекология саласындағы медициналық ұжымдардың құрылымдық бөлімдеріндегі пациенттердің және медицина қызметкерлерінің инфекциялық қауіпсіздігін және инфекциялық бақылау жүйесін жүзеге асыру.

09120100 «Емдеу ісі» білім беру бағдарламасын меңгеру үшін ТжКБ ұйымдарына оқуға қабылдаудың үлгілік ережесіне сәйкес 4S09120101 «Фельдшер» біліктілігіне негізгі орта, жалпы орта білімі бар, ал 09130200 «Акушерлік іс», 4S09130201 «Акушер» біліктілігіне жалпы орта білімі бар қабылдау емтихандарын табысты тапсырған тұлғалар оқуға түседі. Оқу күндізгі оқыту түрінде жалпы орта білім беру базасында мемлекеттік және орыс тілдерінде жүзеге асырылады.
Оқу мерзімі:

Негізгі орта білім беру базасында — 3 жыл 10 ай.

Жалпы орта білім беру базасында – 2 жыл10 ай.